وتقول في رسالتها : " انا عمري 22 سنة اتعرفت ع شب عالنت وشوي شوي صار في اعجاب وحب بيناتنا او عالاقل انا هيك كنت مفكرة وائمنتلو كتير وخلاني احس انو كل شي بحياتي.. كان دايما يطلب مني ابعتلو صوري وانا ارفض دايما.. يوم عيد ميلادي قالي بدك تبعتيلي صورتك قولتلو لا ما بقدر لانو بتكون حفلة بنات ولابسة قصير وقتها فأنسى بس هو ضلو يلح عليي ويقولي انتي ما بتحبيني ومش امأمناني ع صورة لالك, بالاخر بلحظة ضعف وغباء مني بعتلو صورة لالي من الحفلة وكنت لابسة قصير وحلفتو يمين انو يمسحها وقالي ماشي .. بنفس اليوم كتير اتضايقت واندمت وحسيت اني اغلطت كتير وخنت ثقة اهلي فيني اتصلت عليه قولتلو بأمانة الله حدفت الصورة قالي اه.. بعدها صار كل يوم والتاني يطلب صورة وانا ارفض واقولو انسى وما تفتح الموضوع تاني.. بعدها بين ع حقيقتو, قالي ازا ما بتبعتيلي صورة تانية واتكون صورة متل الاولى رح ابعت ايميل لاخوكي بصورتك اللي بعتيلي اياها وبالمحادثة اللي بينا وشوفي وقتها شو رح يعمل فيكي اخوكي.. انا كتييير انصدمت منو وخوفت كتير لانو اخوي ممكن يقتلني لو عرف, مش مبالغة عنجد بقتلني قتل مووت.. صرت ابكي واترجاه واقولو خاف الله فيني وانت عندك خوات وحرام عليك اللي بتعملو فيني بس ضلو يهدد فيني.. بالاخر روحت لاخوي قولتلو انا كنت حاطة صوري بالحفلة ع فلاشة وضاعت الفلاشة مني وفي شب لقاها وبهددني وبدو ابعتلو صور.. قام ضربني هو واخوي التاني لعند ما صار ينزل دم مني وقالولي ازا اعرفنا انو انتي اللي باعته الصورة والله لندبحك..
اتصلت عالشب وصرت اترجاه ما يعمل شي وقولتلو بعطيك كل الفلوس اللي معي وبعطيك الدهب اللي معي بس ما تعملي شي.. قالي طيب هاتي دهبك وفلوسك واتقابلنا بمحل صاحبو واخد مني الدهب والفلوس وحاول يتحرش فيني بس هددتو اني رح اصرخ لو قرب عليي.. تاني يوم رجع غدر واتصل فيني قالي ازا بتخليني المسك بحدف الصورة وبريحك مني قولتلو ع جثتي وهاد اخر شي ممكن يصير قالي ماشي انتي حرة انا بفرجيكي واخر شي كلمني امبارح وحلف يمين انو رح يبعت الصورة والمحادثة بظرف ع محل اخوي.. انا كتير اتعبت وخايفة وطول الوقت ببكي ووزني نزل 8 كيلو باسبوعين.. انا اغلطت وجبتو لحالي.. انا ما بدي اوسخ اسم عيلتي واسم ابوي, لو وصلت الصورة لاخوي رح يقتلني وسمعتنا اتصير ع كل السان وانا ما بدي هالشي لابوي, انا كتير بحبو وخونت ثقتو مشان هيك حاولت اني اتخلص من حياتي.. انا تعبانة كتير.. انا بدي اقول لاهلي اني كتير اسفة وندمانة وانا اغلطت بحقكم وسامحوني .. وبدي اقول للشب الله لا يسامحك دمرت حياتي وخليتني وحدة ميتة ووصلتني لهاي المرحلة بس في الله كبير بنتقم منك.. نصيحة لكل بنت ما تبعتو اي شي لاي شب وما اتأمنو لحدا وخافو الله".
الأربعاء سبتمبر 23, 2009 3:25 pm
